Kirti Kiran Mahapatra
ପିନ୍ ବାର୍ତ୍ତା: ଭୁବନେଶ୍ୱରରେ ଓଲା, ଉବର ଏବଂ ରାପିଡ଼ୋ ଡ୍ରାଇଭରମାନଙ୍କ ଚାଲିଥିବା ଆନ୍ଦୋଳନ ସାଧାରଣ ଜନଜୀବନକୁ ଅସ୍ତବ୍ୟସ୍ତ କରିଛି । କିନ୍ତୁ ଏହି ଆନ୍ଦୋଳନ ପ୍ରତି ସାଧାରଣ ଲୋକଙ୍କର ସମର୍ଥନ ନାହିଁ କହିଲେ ଚଳେ । ଏହାର ପ୍ରମୁଖ କାରଣ ହେଲା ଡ୍ରାଇଭରମାନଙ୍କ ଦ୍ୱାରା ଯାତ୍ରୀଙ୍କ ପ୍ରତି ଅହେତୁକ ଅତ୍ୟାଚାର ।
ଆପ୍ ଭଡ଼ାଠାରୁ ଅଧିକ ନଗଦ ଟଙ୍କା ମାଗିବା, ଅରାଜକତା ସୃଷ୍ଟି କରିବା ଏବଂ ରାଜି ନ ହେଲେ ଗାଡ଼ି ବାତିଲ କରିବା ସେମାନଙ୍କର ନିତିଦିନିଆ ଅଭ୍ୟାସ ପାଲଟିଛି । ଯାତ୍ରୀଙ୍କୁ ଅଭଦ୍ର ଭାଷାରେ ଗାଳିଗୁଲଜ କରିବା ସହ ବିଶେଷକରି ମହିଳା ଯାତ୍ରୀଙ୍କ ସୁରକ୍ଷା ପ୍ରତି ଏମାନେ ସମ୍ପୂର୍ଣ୍ଣ ଉଦାସୀନ । ମଦ୍ୟପାନ କରି ଯାତ୍ରୀଙ୍କ ଜୀବନ କୁ ବିପଦ ରେ ମଧ୍ୟ୍ୟ ପକାଉଥିଲେ ଏହି ମନମାନି କରୁଥିବା ଡ୍ରାଇଭର ମାନେ । ନିଜେ କେବେବି ଯାତ୍ରୀଙ୍କ ପ୍ରତି ସହାନୁଭୂତି ପ୍ରଦର୍ଶନ କରିନଥିବା ଏହି ଡ୍ରାଇଭରମାନେ ଆଜି ନିଜ ସ୍ୱାର୍ଥ ପାଇଁ ରାସ୍ତାକୁ ଓହ୍ଲାଇବାବେଳେ ଜନସାଧାରଣ ସେମାନଙ୍କ ଦୁଃଖ ବୁଝିବାକୁ ପ୍ରସ୍ତୁତ ନୁହଁନ୍ତି ।
ସେବାକୁ ବ୍ୟବସାୟିକ ଠକେଇ ଓ ଗୁଣ୍ଡାଗିରି ରେ ପରିଣତ କରିଥିବା କିଛି ଚାଳକଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଜରୁରୀ ଥିଲା, ଯାହା ଦ୍ୱାରା ଆଗାମୀ ଦିନରେ ଯାତ୍ରୀମାନେ ନିର୍ଭୟରେ ଓ ସୁରକ୍ଷିତ ଭାବେ ଯାତ୍ରା କରିପାରିବେ । ଆଶା ଏଥିରୁ ସମସ୍ତେ କିଛି ଶିକ୍ଷା ଲାଭ କରିବେ ।
