ତ୍ରାହି ତ୍ରାହି ଡାକିଲେଣି ଅନୁପ୍ରବେଶକାରୀ

ଭାରତର ସମସ୍ତ ରାଜ୍ୟରୁ ଖୋଜି ଖୋଜି ଅନୁପ୍ରବେଶକାରୀଙ୍କୁ ବିଦା କରାଯାଉଛି । ଅନୁପ୍ରବେଶକାରୀ ମୁକ୍ତ ହେବ ଭାରତ । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏଥିପାଇଁ ଜୋରଦାର ପ୍ରୟାସ ଆରମ୍ଭ କରିଛନ୍ତି । ତାଙ୍କୁ ଏଥିରେ ସାହାଯ୍ୟ କରୁଛନ୍ତି ଶୁଭେନ୍ଦୁ ଅଧିକାରୀ ଓ ହିମନ୍ତ ବିଶ୍ୱ ଶର୍ମା । ଶୁଭେନ୍ଦୁ ମୁଖ୍ୟମନ୍ତ୍ରୀ ଦାୟିତ୍ୱ ନେବା ପରଠାରୁ ବେଙ୍ଗଲରୁ ବାଂଲାଦେଶୀଙ୍କୁ ବିଦା କରୁଥିବା ବେଳେ ହିମନ୍ତ ମଧ୍ୟ କାର୍ଯ୍ୟାନୁଷ୍ଠାନ ନେଉଛନ୍ତି । ଆସାମରୁ ହିମନ୍ତ ବାଂଲାଦେଶୀଙ୍କୁ ନେଇ ସିଧା ବର୍ଡରରେ ଛାଡି ଆସୁଛନ୍ତି । ବେଙ୍ଗଲରେ ଶୁଭେନ୍ଦୁ ମଧ୍ୟ ଏହି ପ୍ରକ୍ରିୟା ଆରମ୍ଭ କରିବେ । ତେଣୁ ଭୟରେ ଅନୁପ୍ରବେଶକାରୀ ତ୍ରାହି ତ୍ରାହି ଡାକିଲେଣି ।

ସୀମା ସୁରକ୍ଷାକୁ ଅଧିକ ମଜବୁତ କରିବା ପାଇଁ ଭାରତ ଦ୍ରୁତ ଗତିରେ ବୈଷୟିକ ଜ୍ଞାନକୌଶଳ ଆପଣାଉଛି । ପାକିସ୍ତାନ ଓ ବାଂଲାଦେଶ ସୀମାରେ ଅତ୍ୟାଧୁନିକ କ୍ୟାମେରା, ରାଡାର, ସେନ୍ସର, ସର୍ଭିଲାନ୍ସ ଟୁଲ୍ ଏବଂ ରିଅଲ୍-ଟାଇମ୍ ମନିଟରିଂ ସିଷ୍ଟମ୍ ଭଳି ଭିତ୍ତିଭୂମି ପ୍ରସ୍ତୁତ କରାଯାଉଛି । ଚଳିତ ବର୍ଷ ମଧ୍ୟରେ ଉଭୟ ଅନ୍ତର୍ଜାତୀୟ ସୀମାରେ ବଡ଼ଧରଣର ସ୍ମାର୍ଟ ଫେନ୍ସିଂ (କଣ୍ଟାତାର ବାଡ଼) ଏବଂ ଇଣ୍ଟିଗ୍ରେଟେଡ୍ ବର୍ଡର ମ୍ୟାନେଜମେଣ୍ଟ ସିଷ୍ଟମ୍ କାର୍ଯ୍ୟକାରୀ କରିବାକୁ ସରକାର ଲକ୍ଷ୍ୟ ରଖିଛନ୍ତି । ଜମି ଅଧିଗ୍ରହଣ କାର୍ଯ୍ୟ ଦ୍ରୁତ ଗତିରେ ଚାଲିଛି ଏବଂ ପଶ୍ଚିମବଙ୍ଗ ସରକାର ପ୍ରକଳ୍ପ ପାଇଁ ଆବଶ୍ୟକ ଜମି ଯୋଗାଇ ଦେଇଛନ୍ତି ବୋଲି ଅମିତ ଶାହ କହିଛନ୍ତି । ଖୁବଶୀଘ୍ର ସମସ୍ତ ଅନୁପ୍ରବେଶକାରୀଙ୍କୁ ବିଦା କରାଯିବ ।