ଧର୍ମେନ୍ଦ୍ରଙ୍କ ଇସ୍ତଫା ନୁହେଁ ବିରୋଧୀଙ୍କ ବିଜୟ !

ସୁଦାମ ଶେଖର (ପିନ୍ ବାର୍ତ୍ତା): ଧର୍ମେନ୍ଦ୍ର ଶେଷରେ ଇସ୍ତଫା ଦେଲେ । ସିଜେପି ସହିତ ସମସ୍ତ ବିରୋଧୀ ଦଳ ଖୁସି ହେଇଗଲେ ସେମାନଙ୍କର ବିଜୟ ହେଇଗଲା ବୋଲି । ବାସ୍ତବ କଥା ହେଲା, ଧର୍ମେନ୍ଦ୍ର ପ୍ରଧାନ ଇସ୍ତଫା ଦେଇ ବିରୋଧୀ ଙ୍କୁ ଏକ ବଡ଼ ବାର୍ତ୍ତା ଦେଇଦେଲେ, ଗଣତନ୍ତ୍ରରେ ସମସ୍ତେ ସମାନ ।

ବିରୋଧୀଙ୍କ ପାଇଁ ନୂଆ ଇସୁ ତିଆରି କରିବା ପାଇଁ ପୁଣି ସମୟ ଲଗେଇ ଦେବେ । ସେ ମଧ୍ୟରେ ପ୍ରହଲ୍ଲାଦ ଯୋଶୀ ନୂଆ ଶିକ୍ଷା ମନ୍ତ୍ରୀ ରୂପେ, ଧର୍ମେନ୍ଦ୍ର ଙ୍କ ଅଧୁରା କାମକୁ ଆଗକୁ ନେଇଯିବେ । ଧର୍ମେନ୍ଦ୍ର ବିନା ପରିଶ୍ରମରେ ସମଗ୍ର ଭାରତ ନୁହେଁ, ସମଗ୍ର ବିଶ୍ୱରେ ଏକ ପରିଚୟ ସୃଷ୍ଟି କରିଦେଲେ । ଧର୍ମେନ୍ଦ୍ରଙ୍କ ପାଇଁ ଏହି ବିବାଦ ଏକ ଆଶୀର୍ବାଦ ହେଇଯାଇପାରେ ।

ବିରୋଧୀ ଦଳ ଧର୍ମେନ୍ଦ୍ରଙ୍କ ଇସ୍ତଫାର କ୍ରେଡିଟ ପ୍ରମୁଖ ବିରୋଧୀ ଦଳ ନେବାପାଇଁ ଏବେ ପ୍ରତିଦ୍ବନ୍ଦିତା ଆରମ୍ଭ ହେଇ ଯାଇଛି । କିଏ ହେବେ ମୁଖ୍ୟ ଦାବିଦାର? ବିଜେପି ଧର୍ମେନ୍ଦ୍ରଙ୍କ ଇସ୍ତଫାର ନାମ ଆଗାମୀ ନିର୍ବାଚନରେ ପ୍ରୟୋଗ ବି କରିପାରେ । ବିଜେପିର ଓ ବିରୋଧୀ ଦଳ ଗୁଡ଼ିକର କାର୍ଯ୍ୟ ଶୈଳୀ ଦେଖିଲେ, ଉଭୟେ ତ ହୁସିଆର ହେଇଯିବେ । କିନ୍ତୁ ବିଜେପି ଓ ଧର୍ମେନ୍ଦ୍ର ଅଧିକ ଫାଇଦାରେ ରହି ପାରନ୍ତି ଏବଂ ଧର୍ମେନ୍ଦ୍ରଙ୍କୁ ଭଲ ମାଇଲେଜ ମିଳିଯାଇପାରେ ।