ଦିଲ୍ଲୀରେ ମୋହନ ମାଝୀଙ୍କ ପାୱାର ଶୋ

ସୁଦାମ ଶେଖର (ପିନ୍ ବାର୍ତ୍ତା): ପୂର୍ବତନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ ହାଇପ୍ରୋଫାଇଲ ଓଡିଶା ଗସ୍ତ, ରାଜ୍ୟ ରାଜନୀତି ରେ ଏକ ଭୂମିକମ୍ପ ସୃଷ୍ଟି କରିଛି । ଦୁଇ ଡଜନ ରୁ ଅଧିକ ବିଧାୟକ ଓ ମନ୍ତ୍ରୀଙ୍କୁ ଧରି ଧର୍ମେନ୍ଦ୍ର ପ୍ରଧାନ ଭୁବନେଶ୍ୱର ରେ ନିଜ ପତିଆରା ଜାହିର କରିବା ପରେ ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ବନ୍ୟା ବିପତ୍ତିକୁ ଭୃକ୍ଷେପ ନ କରି ଚାରି ଦିନିଆ ଦିଲ୍ଲୀ ଗସ୍ତରେ ଯାଇଥିଲେ ।

ଦିଲ୍ଲୀରେ ଏକ ନୈଶ ଭୋଜିରେ ଓଡ଼ିଶାର ମୋହନ ମାଝୀ ସାଂସଦ ମାନଙ୍କ ସହିତ ଓଡ଼ିଶାର ବିଭିନ୍ନ ବିଷୟରେ ଚର୍ଚ୍ଚା କରିଥିବା ଖବର ଆସିଛି। ଓଡ଼ିଶାର ବିକାଶ କଥା ନା ଅନ୍ୟ କିଛି, ଏହାକୁ ନେଇ ରାଜନୈତିକ କରିଡର ଉଠୁଛି ପଡୁଛି ।

ଓଡ଼ିଶାରେ ଭୀଷଣ ବର୍ଷା ଓ ବନ୍ୟା ସ୍ଥିତି ବେଳେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଚାରି ଦିନିଆ ଦିଲ୍ଲୀ ଗସ୍ତ ଆହୁରି ଚର୍ଚ୍ଚାକୁ ସରଗରମ କରିଥିବା ବେଳେ ମହାନଦୀ ବିବାଦର ସମାଧାନ ପାଇଁ ଛତିଶଗଡ଼ ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ ଓ କେନ୍ଦ୍ର ଜଳ ଶକ୍ତି ମନ୍ତ୍ରୀଙ୍କ ଉପସ୍ଥିତରେ ଆଲୋଚନା ଓ ଏକ ସମାଧାନର ରୂପରେଖ ପ୍ରସ୍ତୁତ ହେବା ପରେ ମୋହନଙ୍କ କାଟତି ବଢିଛି ବୋଲି ଚର୍ଚ୍ଚା ।

ମୁଖ୍ୟମନ୍ତ୍ରୀ କେନ୍ଦ୍ରମନ୍ତ୍ରୀ କେନ୍ଦ୍ର ଜଳ ସଂସାଧନ ମନ୍ତ୍ରୀ ସି ଆର ପାଟିଲ, ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁ ଦେଓ ସାଏ, ଅଶ୍ୱିନୀ ବୈଷ୍ଣବ, ଅମିତ ଶାହ, ପ୍ରଧାନମନ୍ତ୍ରୀଙ୍କ ଆର୍ଥିକ ପରାମର୍ଶଦାତା ପରିଷଦର ସଦସ୍ୟ ତଥା ନୀତି ଆୟୋଗ ସଦସ୍ୟ କେ ଭି ରାଜୁ , ଓ ସାଂସଦ ଦିଲ୍ଲୀପ ରାୟ ଙ୍କୁ ସାକ୍ଷାତ କରି ସ୍ପଷ୍ଟ ବାର୍ତ୍ତା ଦେଇଛନ୍ତି ଯେ ଓଡ଼ିଶାରେ କ୍ଷମତା ପରିବର୍ତ୍ତନ ଆଶା କ୍ଷୀଣ । ମୋହନ ମାଝୀ ରହିବେ । ଆଗକୁ ପଞ୍ଚାୟତ ନିର୍ବାଚନ । ଓଡ଼ିଶାରେ କଣ ବଡ଼ ଘଟଣା ଘଟିବ, ତାହା ସମୟ କହିବ ।