ଧର୍ମେନ୍ଦ୍ରଙ୍କ ପଛରେ ପଡ଼ିଛି କିଏ?

ସୁଦାମ ଶେଖର (ପିନ୍ ବାର୍ତ୍ତା): ନିଟ ମାମଲାରେ ଇସ୍ତଫା ଦେବା ପାଇଁ ପୂର୍ବତନ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ପ୍ରବଳ ଚାପ ପଡିଥିଲା, ସେ ଇସ୍ତଫା ବି ଦେଲେ ଏବଂ ଜେନ ଜି ଆନ୍ଦୋଳନ ଥମିଲା । କିନ୍ତୁ ଓଡ଼ିଶାରେ ସେ ତାଙ୍କ ନିଜ ରାଜ୍ୟକୁ ଆସିଲେ ପୁଣି ବିରୋଧ କରିବା ଏକ ଭିନ୍ନ ବାର୍ତ୍ତା ଦେଉଛି । ଇତିମଧ୍ୟରେ ସେ ଥରେ ଭୁବନେଶ୍ୱର ରେ ଏକ ପୁସ୍ତକ ଉନ୍ମୋଚନ ପାଇଁ ଆସି ବିଜେପି ର ବଡ଼ ସମ୍ବର୍ଦ୍ଧନା ଓ ସ୍ୱାଗତ ଦେଖିଥିଲେ । କିନ୍ତୁ ଗତକାଲି ସେ ପୁଣି ଓଡ଼ିଶା ଆସିବା ପରିପ୍ରେକ୍ଷୀରେ କିଛି ଯୁବଗୋଷ୍ଠୀ ତାଙ୍କୁ ବିରୋଧ କରି ‘ଧର୍ମେନ୍ଦ୍ର ପ୍ରଧାନ ଗୋ ବ୍ୟାକ’ ଲେଖା ପୋଷ୍ଟର ଧରିଥିଲେ । ଖବରରୁ ଯାହା, ବିଜେଡି ଯୁବ ଛାତ୍ର ଗୋଷ୍ଠୀ ଏହା କରିଥିଲେ ମଧ୍ୟ ନେତାମାନେ ସାମ୍ନାକୁ ଆସି ନ ଥିଲେ । ବଡ଼ ଦ୍ୱନ୍ଦ୍ୱ ସୃଷ୍ଟି କରିଥିଲା, ସେମାନଙ୍କ ପୋଷ୍ଟର । ସେଥିରେ କାହା ପ୍ରାୟୋଜିତ ଜଣା ପଡୁ ନ ଥିଲା । ପୋଷ୍ଟର ରଙ୍ଗ ସବୁଜ ବଦଳରେ ଲାଲ ଥିଲା ।

କିନ୍ତୁ ଏ ବାବଦରେ ବିଜେଡିର ମିଡ଼ିଆ ସେଲ WhatsApp ଗ୍ରୁପରେ ଫୋଟୋ, ଭିଡ଼ିଓ ତଥା ପ୍ରେସ ବାର୍ତ୍ତା ବି ଦିଆଗଲା । ବିଜେଡି ଏ ପ୍ରତିବାଦର କ୍ରେଡିଟ ବି ନେଲା ।

କିନ୍ତୁ କିଛି ସମୟ ପରେ ମିଡ଼ିଆ WhatsApp ଗ୍ରୁପ ରୁ ସବୁ କିଛି ଉଡ଼େଇ ଦିଆଗଲା । ଲୁଚିଛି , ଗୋଡ ଦିଟା ଦିଶୁଛି ନ୍ୟାୟରେ ବିଜେଡ଼ିର ଖେଳ ଥିଲା ବୋଲି ବାରି ହୋଇଥିଲା । ଦଳର ପ୍ରବକ୍ତା ନିରପେକ୍ଷ ଦର୍ଶାଇ ଏକ ପୋଷ୍ଟ କଲେ ଓ ଲିଙ୍କ ଗ୍ରୁପରେ ଶେୟାର କରାଗଲା । କିଛି ସମୟ ପରେ ତାହା ବି ଗ୍ରୁପରୁ ଉଡ଼ିଗଲା ।

ଏଥିରେ ମୋଟା ରକମ ଲାଗିଥିବ କି, କେବଳ ଧର୍ମେନ୍ଦ୍ର ଙ୍କୁ ବଦନାମ କରିବା ପାଇଁ ? ପଇସା ଖିଆ ପ୍ରତିବାଦ, ଧର୍ମେନ୍ଦ୍ର ପ୍ରଧାନ ଇସ୍ତଫା ଦେବାପରେ !! ବିଜେଡି ନା ଆଉ କେହି ତାଙ୍କ ପଛରେ ପଡିଛନ୍ତି? ଏଭଳି କିଏ କରୁଛନ୍ତି ? ରାଜ୍ୟ ରାଜନୀତି ରେ ଧର୍ମେନ୍ଦ୍ର ପ୍ରଧାନ ଏଣ୍ଟ୍ରି ନେଲେ କାହା ପାଇଁ ବିଶେଷ କ୍ଷତି ହେଉଛି ? ବିଜେଡି ନା କଂଗ୍ରେସ ନା ଆଉ କେହି, ତାହା ସମୟ କହିବ ।