ଜନ୍ତର ମନ୍ତର ରେ ସୁଯୋଗ ପାଇଲେ ଉଦ୍ଧତ ବାମପନ୍ଥୀ

ସୁଦାମ ଶେଖର (ପିନ୍ ବାର୍ତ୍ତା): ସିଜେପିର ଆନ୍ଦୋଳନ ଅଭିଜିତ ଦୀପକେଙ୍କ ପୂର୍ବ ସୂଚନା ଅନୁଯାୟୀ ଶାନ୍ତି ଶୃଙ୍ଖଳା ସହିତ ଆରମ୍ଭ ହେବା ଆବଶ୍ୟକ ଥିଲା । ମାନ୍ୟବର ପ୍ରଧାନ ବିଚାରପତି ଙ୍କ ଯୁବଗୋଷ୍ଠୀଙ୍କୁ ‘ଅସରପା’ ମନ୍ତବ୍ୟ ଯାହା କିଛି ଯୁବଗୋଷ୍ଠୀ ଙ୍କୁ ଇସୁକାଇଥିଲା । ସେମାନେ ସୁଚିନ୍ତିତ ଭାବେ ସୁଦୂର ଆମେରିକାରୁ କାକ୍ରୋଚ ଜନତା ପାର୍ଟିକୁ ଗଠନ କରି ଭାରତରେ ପ୍ରତିବାଦ ପାଇଁ ସଜବାଜ ହେଲେ । ସରକାର ସବୁ ଜାଣି ବି ଗଣତନ୍ତ୍ରର ସମ୍ମାନ ରକ୍ଷା ପାଇଁ ଦିଲ୍ଲୀର ଜନ୍ତର ମନ୍ତରରେ ଆନ୍ଦୋଳନ ପାଇଁ ଅନୁମତି ଦେଲେ । ସରକାର ଜାଣିଥିଲେ, ଅନୁମତି ନ ଦେଲେ କଣ ପରିସ୍ଥିତି ହେବ। ତେଣୁ ଅନୁମତି ପାଇବା ପରେ ଯାହା ଆଶା କରାଯାଉଥିଲା, ତାହା ସତ ହେଇଯାଇଥିଲା । ବିଭିନ୍ନ ପ୍ରାନ୍ତରୁ ଜେନ ଜି ବା ଯୁବଗୋଷ୍ଠୀ ଦିଲ୍ଲୀରେ ଜମା ହୋଇ ଗଣତନ୍ତ୍ରର ମନ୍ଦିର ପାର୍ଲିଆମେଣ୍ଟ ମଧ୍ୟକୁ ଧସେଇ ପଶିବା ଯୋଜନା କଲେ । ଏପଟେ ଲୋକସଭା ଚାଲିଛି । ବାଧ୍ୟତାମୂଳକ ଭାବେ ସରକାର ବଳ ପ୍ରୟୋଗ କଲେ । ଅବଶ୍ୟ ଏହାକୁ କେବେ ବି ଠିକ ବୋଲି କୁହା ଯାଇପାରିବ ନାହିଁ । ମାତ୍ରାଧିକ ବଳପ୍ରୟୋଗ ସରକାରଙ୍କୁ ମହଙ୍ଗା ପଡ଼ିଲା ଓ ଆନ୍ଦୋଳନ ତୀବ୍ର ଓ ଉଗ୍ର ରୂପ ନେଲା ।

ସେତେବେଳକୁ ଯୁବକଯୁବତୀମାନେ ଯେଉଁଭଳି ନାରାବାଜି ସହ ହୁଲସ୍ତୁଲ କଲେ, ଏତେ ସଂଖ୍ୟକ ଯୁବଗୋଷ୍ଠୀ, ଜଣାପଡିଲା ଏମାନେ ସିଜେପିର ନୁହଁନ୍ତି । ଏମାନେ ବିଭିନ୍ନ ରାଜନୈତିକ ବିରୋଧୀ ଦଳ ଦ୍ୱାରା ପ୍ରେରିତ ଏବଂ ବାମପନ୍ଥୀ ଯୁବ ଛାତ୍ର ଗୋଷ୍ଠୀର । ନୀତି ଆଦର୍ଶ ସବୁ ଭୁଲିଯାଇ ବିଶୃଙ୍ଖଳିତ ଆଚରଣ ପ୍ରଦର୍ଶନ କଲେ । ମିଡ଼ିଆ ଓ ସୋସିଆଲ ମିଡ଼ିଆ ରେ ସେଗୁଡିକ ପ୍ରସାରଣ ଫଳରେ କୋଟି କୋଟି ଭାରତୀୟ ପ୍ରଭାବିତ ହେଲେ । ଏପରିକି ସେମାନେ ନାମ ନେଇ ଅଶ୍ଲୀଳ ଭାଷାରେ ବଡ଼ ବଡ଼ ନେତାଙ୍କୁ ଗାଳିଗୁଲଜ କରିବା ସହିତ ଅଶ୍ଳୀଳ ଇଙ୍ଗିତ କରିବା ଦେଖିବାକୁ ମିଳିଲା । କିଛି ଆପରାଧିକ ତତ୍ତ୍ୱ ସେ ଭିତରେ ପଶି ଉସୁକାଇବା ବି ଜଣାପଡିଲା । କେବଳ ବାମପନ୍ଥୀ ନୁହନ୍ତି, ଅନ୍ୟମାନେ ବି ସେମାନଙ୍କ ଠାରୁ ପ୍ରେରିତ ହୋଇ ଶାଳୀନତା ହରାଇ ଅତି ଅଭଦ୍ର ଭାଷାର ପ୍ରୟୋଗ କଲେ । ଉଚ୍ଚ ଶିକ୍ଷିତ ଯୁବଗୋଷ୍ଠୀ ଙ୍କ ଏଭଳି ଆଚରଣ ସମସ୍ତଙ୍କୁ ଆଚମ୍ବିତ କରିଛି । ବିଶେଷ କରି କମ ବୟସର ଯୁବତୀମାନେ ଅଧିକ ବିଶୃଙ୍ଖଳିତ ଆଚରଣ କରିବା ବୁଦ୍ଧିଜୀବୀ ମାନଙ୍କୁ ବ୍ୟଥିତ କରିଛି ।

ଛାତ୍ର ଆନ୍ଦୋଳନ କିମ୍ବା ଜନ ଆନ୍ଦୋଳନ ଗଣତନ୍ତ୍ର ପାଇଁ ଶୁଭଙ୍କର । ଏଥିରେ କୌଣସି ଦ୍ଵିମତ ନାହିଁ । କିନ୍ତୁ ଦେଶ ଛାତ୍ର ଛାତ୍ରୀ ମାନଙ୍କଠାରୁ ଶାଳୀନତା ଆଶା କରେ ଯାହା କିଛି ଗୋଷ୍ଠୀ ବୁଝିବାକୁ ଚେଷ୍ଟା କରନ୍ତି ନାହିଁ । ଭାରତୀୟ ନୀତି ଶିକ୍ଷା ଆଚରଣ ସଂସ୍କୃତି ସଂସ୍କାରକୁ ଭୁଲି ଦେଶର ରାଜଧାନୀର ଛାତି ଉପରେ ଏଭଳି ଆଚରଣ ସିଜେପି ଠାରୁ ଆଶା କରୁନଥିଲେ ଭାରତୀୟ ମାନେ । ପରୀକ୍ଷା ସଂସ୍କାର ପାଇଁ ଆନ୍ଦୋଳନ ବିଶୃଙ୍ଖଳିତ ଅଶ୍ଳୀଳ ଆଚରଣରେ ପରିଣତ ହେଇସାରିଥିଲା । ଆନ୍ଦୋଳନ ମୁଖିଆ ମାନେ ବରଂ ଦେଖିବା ସାର ହେଲା ସିନା । କଥାହେଲା, ଭାରତୀୟ ସଂସ୍କୃତି ସଂସ୍କାର ଗଲା କୁଆଡ଼େ ? ବାପା ମା’ ପିଲାଙ୍କୁ କେବଳ ରୋଜଗାର କରିବା ପାଇଁ ପ୍ରେରିତ କରନ୍ତି ନାହିଁ । ସତ ଚରିତ୍ର, ସଂସ୍କାର, ଉଚ୍ଚ ଶିକ୍ଷା ସହ ରୋଜଗାର ପ୍ରତ୍ୟେକ ବାପା ମାଆ ଙ୍କ ସ୍ୱପ୍ନ ଥାଏ, ଯାହା ଜନ୍ତର ମନ୍ତରରେ ଦେଖିବାକୁ ମିଳିଲା ନାହିଁ । ଦେଶବାସୀଙ୍କୁ ଭିନ୍ନ ସନ୍ଦେଶ ଗଲା । ଉଚ୍ଚ ଶିକ୍ଷା କଣ ଏଇଥିପାଇଁ ? ଅନେକ ବାପା ମାଆ ମାନେ ବର୍ତ୍ତମାନ ଚିନ୍ତାରେ । ଆନ୍ଦୋଳନ ନାମରେ ଯୁବଗୋଷ୍ଠୀ ଙ୍କର ଆଚରଣ ବିଶେଷ କରି ଯୁବତୀମାନେ ଓ ବାମପନ୍ଥୀ ବିଚାରର, ଭାରତୀୟ ଯୁବପୀଢ଼ିଙ୍କ ପାଇଁ ଶୁଭଙ୍କର ନୁହେଁ । ଆନ୍ଦୋଳନ ଦାବୀ ପାଇଁ କରନ୍ତୁ, କିନ୍ତୁ ଏଭଳି ଉଦ୍ଧତ ଆଚରଣ ଭାରତୀୟ ସଂସ୍କୃତିର ପରିପନ୍ଥୀ ।