PiN Barta
ସରକାରୀ ସୂଚନା ଅନୁଯାୟୀ, ଗତ କିଛି ବର୍ଷ ଧରି ରାଜ୍ୟର GST ଆଦାୟରେ ଲଗାତାର ବୃଦ୍ଧି ଦେଖାଯାଇଛି। ୨୦୨୦-୨୧ରେ ପ୍ରାୟ ୬,୧୩୧ କୋଟି ଟଙ୍କା ଆଦାୟ ହୋଇଥିବା ବେଳେ, ୨୦୨୧-୨୨ରେ ଏହା ୭,୭୬୬ କୋଟି ଟଙ୍କା, ୨୦୨୨-୨୩ରେ ୮,୪୯୧ କୋଟି ଟଙ୍କା, ୨୦୨୩-୨୪ରେ ୯,୧୬୫ କୋଟି ଟଙ୍କା ଏବଂ ୨୦୨୪-୨୫ରେ ପ୍ରାୟ ୯,୮୧୭ କୋଟି ଟଙ୍କାରେ ପହଞ୍ଚିଥିଲା। ଏବେ ୨୦୨୫-୨୬ରେ ଏହା ୧୦ ହଜାର କୋଟି ଟଙ୍କାର ସୀମା ଅତିକ୍ରମ କରିଛି।
ବିଶେଷଜ୍ଞଙ୍କ ମତରେ, ଡିଜିଟାଲ କର ବ୍ୟବସ୍ଥାର ବିସ୍ତାର, କରଦାତାଙ୍କ ପାଇଁ ସହଜ ଅନଲାଇନ୍ ସେବା, କର ଫାଙ୍କି ଉପରେ କଠୋର ନଜରଦାରି ଓ ପ୍ରଶାସନିକ ସୁଧାର ଯୋଗୁଁ ଏହି ସଫଳତା ସମ୍ଭବ ହୋଇଛି।
ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି ଯେ, GST ଆଦାୟରେ ଏହି ଅଭିବୃଦ୍ଧି ଆଗାମୀ ଦିନରେ ଭିତ୍ତିଭୂମି, ଶିକ୍ଷା, ସ୍ୱାସ୍ଥ୍ୟ ଓ ଅନ୍ୟାନ୍ୟ ବିକାଶମୂଳକ ପ୍ରକଳ୍ପ ପାଇଁ ରାଜସ୍ୱକୁ ଆହୁରି ସୁଦୃଢ଼ କରିବ।
ରାଜ୍ୟର ଅର୍ଥନୈତିକ ଅଗ୍ରଗତି ଓ କର ସଂଗ୍ରହରେ ସ୍ୱଚ୍ଛତା ରଖିବା ଦିଗରେ ଏହି ଉପଲବ୍ଧିକୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମନେ କରାଯାଉଛି।
