ରାଷ୍ଟ୍ରପତିଙ୍କ ଓଡିଶା ଗସ୍ତର ଏପାଖ ସେପାଖ

ସୁଦାମ ଶେଖର (ପିନ୍ ବାର୍ତ୍ତା): ଓଡ଼ିଶାର ଜଣେ ଆଦିବାସୀ ମହିଳା ଭାରତର ପ୍ରଥମ ନାଗରିକ ରାଷ୍ଟ୍ରପତି ରୂପେ ଅଭିଷିକ୍ତ ହେବା ଓଡିଶାବାସୀଙ୍କ ପାଇଁ କମ ଗୌରବର କଥା ନୁହେଁ । ସାଧାରଣତଃ ଭାରତୀୟ ଗଣତନ୍ତ୍ରରେ ରାଷ୍ଟ୍ରପତି ପଦବୀ ଏକ ରବର ଷ୍ଟାମ୍ପ ବୋଲି କୁହାଯାଏ । କିନ୍ତୁ ବର୍ତ୍ତମାନର ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଅନ୍ୟ ରାଷ୍ଟ୍ରପତି ଙ୍କ ଠାରୁ ଟିକିଏ ଅଲଗା । ସେ ଓଡ଼ିଶାର ଏକ ବନବାସୀ ଝିଅ । ତେଣୁ ତାଙ୍କର ଓଡିଶା ପ୍ରୀତି ଅଧିକ ରହିବା ସ୍ୱାଭାବିକ । ଓଡିଶାର ଆଦିବାସୀ ସଂସ୍କୃତି ତାଙ୍କ ପାଇଁ ବିଶେଷ ଅଟେ । ରାଷ୍ଟ୍ରପତି ବି ଏ ମଧ୍ୟରେ ଅନେକ ଥର ଓଡିଶା ଆସିଛନ୍ତି । କିନ୍ତୁ ଏ ଥରର ଗସ୍ତ କିଛି ସ୍ୱତନ୍ତ୍ର ଥିଲା ।

ତାଙ୍କ ଗସ୍ତ ସୂଚୀ ଅନେକଙ୍କୁ ବାଧ୍ୟ କରିଛି ସମାଲୋଚନା କରିବା ପାଇଁ । ମୁଖ୍ୟତଃ ତାଙ୍କ ରେଳ ଯାତ୍ରା ଦ୍ୱାରା ଅନେକ ଲୋକ ବିଭିନ୍ନ ସମସ୍ୟା ରେ ପଡିଥିବେ । ବନ୍ୟା ସମୟରେ ତାଙ୍କ ପରିଭ୍ରମଣ । କିନ୍ତୁ ଯେହେତୁ ରାଷ୍ଟ୍ରପତି ଓଡ଼ିଶାର, ସେ ଓଡ଼ିଶା ଘନ ଘନ ଆସନ୍ତି । ଓଡ଼ିଶା ପ୍ରତି ତାଙ୍କର ସ୍ୱତନ୍ତ୍ର ଆକର୍ଷଣ, ଓଡ଼ିଆ ସଂସ୍କୃତିରେ ବନବାସୀ ସଂସ୍କୃତି ଆହୁରି ସ୍ୱତନ୍ତ୍ର । ଅତୀତରେ ରାଜାମାନେ ପ୍ରଜାଙ୍କୁ ଅତି ନିକଟରୁ ଦେଖିବା, ତାଙ୍କ ସମସ୍ୟାକୁ ଦେଖି ବୁଝିବା ପାଇଁ ଛଦ୍ମବେଶରେ କିମ୍ବା ଅନ୍ଧାରିବିଜେ କରିବା ନଜିର ରହିଛି । ମହାମହିମ ରାଷ୍ଟ୍ରପତି ଏକ ଅନାମଧେୟ ସ୍ଥାନକୁ ଟ୍ରେନ ଓ କାରରେ ଯିବା ତେଣୁ ସ୍ୱତନ୍ତ୍ର ଚର୍ଚ୍ଚାରେ । ରାଷ୍ଟ୍ରପତିଙ୍କ ଗସ୍ତ କାର୍ଯ୍ୟକ୍ରମ ଢେର କିଛି ମାସ ପୂର୍ବରୁ ସ୍ଥିରୀକୃତ ହୋଇଥାଏ । ତଦନୁସାରେ ବିଭିନ୍ନ ଉନ୍ନୟନ କାର୍ଯ୍ୟ ସରକାର ତ୍ୱରାନ୍ୱିତ କରନ୍ତି । ରାଷ୍ଟ୍ରପତିଙ୍କ ଗସ୍ତ ନାମରେ ଅଂଚଳର ରାସ୍ତାଘାଟ ଆଦି ବେଶ ଚକାଚକ ହେଇପାରିଲା ।

ଯଦି ରାଷ୍ଟ୍ରପତି ହେଲିକ୍ୟାପ୍ଟର ରେ ଆସି ଚାଲି ଯାଆନ୍ତେ, ସାଧାରଣ ଲୋକ ରାଷ୍ଟ୍ରପତି ଙ୍କୁ ଦେଖିବା ସୁଯୋଗ ପାଆନ୍ତେ ନାହିଁ। ସେହି ଅଞ୍ଚଳ ଛାଡ଼ି ଅନ୍ୟ ଅଞ୍ଚଳ ଗୁଡିକର ମରାମତି ଓ ଉନ୍ନୟନ ବି ହେଇପାରନ୍ତା ନାହିଁ । ସରକାରୀ କର୍ମଚାରୀ ଓ ଅଧିକାରୀ ମାନେ ଅନ୍ୟ ଦିନମାନଙ୍କରେ କୁଆଡ଼େ ନ ଯାଇ କାଗଜପତ୍ର ରେ ସବୁ ଚାଷ କରୁଥିଲେ, ତାହା ରାଷ୍ଟ୍ରପତି ଙ୍କ ଗସ୍ତରେ ହେଲା ନାହିଁ । ଯାହା ସାଧାରଣ ନାଗରିକ ଗଣତନ୍ତ୍ରର ମୂଲ୍ୟକୁ ହୃଦବୋଧ କରିପାରିଲେ । ପର୍ଯ୍ୟଟନ ର ବିକାଶ ହେଇପାରିଲା । ଏହା ପରିଭ୍ରମଣ ନ ଥିଲା । ରାଜ୍ୟପାଳ, ମୁଖ୍ୟମନ୍ତ୍ରୀ, ମନ୍ତ୍,ରୀ ବିଧାୟକ ଙ୍କୁ ଚଳଚଞ୍ଚଳ କରିଦେଇଥିଲା ରାଷ୍ଟ୍ରପତିଙ୍କ ସୁଦୁରପ୍ରସାରି ତପ୍ତପାଣି ଗସ୍ତ ।